«Нәүрүз — ел башы!»: Татар Танае авылында язны каршы алдылар

Бәйрәмгә килүче балалар һәм өлкәннәр Нәүрүзнең тарихы, аның кояш календаре буенча Яңа ел башы һәм табигатьнең яңару символы булуы турында кызыклы мәгълүматлар белделәр.

Программада:

• борынгы йолалар һәм традицияләр турында хикәя;
• нәүрүзгә багышланган викториналар һәм табышмаклар;
• ‍күңелле уеннар һәм ярышлар

булды.

Бәйрәм ахырында барлык кунакларны кайнар чәй һәм тәмле коймаклар белән сыйладылар. Балалар дус тату мохиттә чәй эчеп, үзләренең хис-кичерешләре белән бүлештеләр. 

«Язгы бәйрәм һәркемгә яхшы кәеф һәм яңа белемнәр бүләк итте!» — дип яза мәдәният йорты мөдире Миләүшә Акмалова.