Мулла Иле мәдәният йортында «Өстәлдәге ипигә дан!» дигән чара үткәргәннәр

- Шул уңайдан, Мулла Иле мәдәният йортында китапханә белән берлектә «Өстәлдәге ипигә дан!» – дип исемләнгән тематик чара үткәрдек. Безнең бер көнебез дә икмәктән башка үтми. Икмәк – кешенең тормыш, сәламәтлек һәм иминлек символы. Ул башка продуктлар арасында аерылып тора, өстәл түренә куела, туендыручы булып санала. Икмәкнең кеше тормышында әһәмияте, икмәккә сакчыл караш, икмәк белән бәйле гореф-гадәтләр турында таныштырдык. Китапханә җитәкчесе икмәкнең кайдан алынуы, кечкенә икмәк алу өчен күпме эш башкарырга кирәклеге турында сөйләде. Чара барышында балалар икмәк үстерү процессы белән, икмәк табынга ничек килүе белән таныштылар, – дип сөйли Мулла Иле мәдәният йорты мөдире Рәзинә Сәйфетдинова.