Күгәй авылында халык бергәләшеп бии, аралаша һәм күңел ача

Нәрсәсе белән файдалы соң мондый биюләр?

1. Беренчедән, бию хәрәкәтләре сәламәтлеккә файдалы. Алар мускулларны ныгыта, сыгылмалылыкны арттыра, кан әйләнешен яхшырта, йөрәк-кан тамырлары системасын саклый. Даими бию — утырып эшләүче кешеләр өчен бигрәк тә кирәкле физик активлык.
2. Икенчедән, бию күтәренке рух бүләк итә. Музыка астында хәрәкәтләнү стрессны киметә, бәхет гормоннарын эшләп чыгара, кәефне күтәрә. Биюдән соң үзегезне бөтенләй башка кеше итеп тоячаксыз.
3. Өченчедән, бию яхшы кәеф тудыра. Көн саен борчылулар, эш мәшәкатьләре, проблемалар... Ә бию дәресе — шуларның барысыннан азат булу, күңелне ачу, рәхәтләнеп хәрәкәтләнү вакыты. Монда һәркем үзен иркен һәм бәхетле тоя.
4. Дүртенчедән, бию нәзакәтлелек һәм нәфислек тәрбияли. Хәрәкәтләрнең матурлыгы, төгәллеге, ритмны тою — болар барысы да хатын-кызларга һәм ир-атларга да үзенчәлекле бер затлылык өсти. Бию кешенең гәүдәсен төз тотарга, йөрешен матурларга ярдәм итә.
5. Бишенчедән, бию җылы очрашулар һәм аралашу бүләк итә. Бергәләп бию вакытында кешеләр таныша, дуслаша, бер-берсенә ярдәм итә. Бу — иҗтимагый тормышның матур бер өлеше, ялгызлыктан котылу, дуслар табу мөмкинлеге.

Сызыклы биюләр төркемнәрдә уза, шуңа күрә һәркем үзен иркен тоя.

Күгәй мәдәният йортында барлык теләүчеләрне биюләр дөньясына чакыралар.

–  Килегез, бергәләп биик, шатланыйк һәм сәламәт булыйк! – дип язалар Күгәй мәдәният йорты ВК сәхифәсендә.