Гадәттә Сөмбелә бәйрәмен көз көне, көн белән төн тигезләшкән вакытта үткәрәләр. Быел исә аны шимбә ял көненә туры китереп оештырганнар.
Бүген Сөмбелә турында күпләр белми дә, онытып та бара. Шуңа күрә бәйрәм барышында аның тарихы һәм үзенчәлекләре турында төрле чыганаклардан мәгълүмат туплап, кызыклы әңгәмә уздырганнар.
Көзге уңыш темасына табышмаклар әйтешкәннәр, җырлар җырлаганнар, оригиналь рецептлар белән уртаклашканнар. Ә киләсе ел уңышына нигезне бүген ничек салырга? дигән сорауга җавап эзләү аеруча кызыксыну уяткан.
Традицияләрне саклау — үткәнне хөрмәт итү генә түгел, ә аларны киләчәк буыннарга тапшыру да. Кече Шырдан мәдәният йорты коллективы оештырган бу матур чара да шуның ачык мисалы.
Кече Шырдан мәдәният йортының «ВКонтакте» төркеме
Нет комментариев