Акъегет мәктәбендә «Без спортны яратабыз» акциясе узды

Спорт – кешенең сәламәтлеге, тормышта бик кирәк булган түземлелек, сабырлык, батырлык, ихтыяр көче тәрбияләүче мөһим фактор.

Борынгы Грециядә бер таш кыяга: «Көчле буласың килсә – йөгер, сәламәт буласың килсә – йөгер!» – дип язып куелган. Әлеге сүзләрнең мәгънәсе бүген дә үзгәрмәгән. Халык та юкка гына: «Хәрәкәттә – бәрәкәт», – дип әйтмәгән. Чыннан да, спорт начар гадәтләргә каршы бик көчле корал булып тора.

Акциянең төп максаты – СПИД авыруы турында мәгълүмат бирү, җәмгыятьтәге ВИЧ белән яшәүче кешеләрнең проблемаларына игътибар итү, СПИД авыруын булдырмау, профилактикалау юлларын аңлату.

Шуны истән чыгармыйк: һәркемнең үз-үзен дөрес тота белүе, тәртиплелеге СПИДтан саклануның иң ышынычлы чарасы!