Ю.Журавлев истәлегенә турнир

2013 елның 31 гыйнварыннан 2 февральгә кадәр Чаллы шәһәрендә 1998-1999 һәм 2000-2001 елгы яшүсмерләр арасында грек-рим көрәше буенча ачык шәһәр турниры булды.
Яшел Үзән спортчылары бу ярышларда уңышлы чыгыш ясады. Үз категорияләрендә Шакиров Руслан ( тренеры А.Данилов), Усманов Абдулазис (А.Данилов), Хөснетдинов Тимур (А.Индюков) -II, Хәйретдинов Минтимер (А.Данилов) һәм Толстов Максим (А.Данилов) III урынга лаек булды.
Турнир ахырында җиңүчеләр дипломнар белән бүләкләнде, аларга истәлекле бүләк тә тапшырылды.