Тиз генә баерга теләсәң...

Билгесез ир-ат аңа биржа платформасында керем алырга тәкьдим итә, ә моның өчен акча салырга кирәклеген искәртә. Хатын-кыз моны бик табышлы ысул дип уйлый, шуңа алыш-биреш итүгә кызыксынуын белдерә. Шуннан соң ай дәвамында аңа әлеге ир шалтырата, ә тиз генә баерга өмет иткән ханым акчасын күчереп тора. Нәтиҗәдә, керем килүен көтеп арган хатын полициягә мөрәҗәгать итә. Оператив хезмәткәрләр шалтыратучы телефон номерларының Мәскәү, Бөекбритания, Кипр һәм Люксембургта теркәлгәнен ачыклый. Җиңел генә баерга теләгән ханым хәзер тынычландыргыч даруларда утыра икән, хуш җыярлык та бит. Үз кулларың белән алдарларга ярты миллионлык акчаңны салып бар инде!!!