Дамир Гыйльяльдинов – «Созвездие – Йолдызлык» иҗат берләшмәсе чыгарылыш укучысы, әлеге бәйгенең берничә тапкыр финалисты «Безнең заман» фестиваленең зона этабында беренче урынны яулады.
Ул Горький исемендәге мәдәният һәм сәнгать үзәгендә сәхнәгә чыгып, «Команда молодости нашей» җырын башкарды. Тамашачылар аның чыгышын җылы кабул итте. «Созвездие – Йолдызлык» театры составында Дамир «Музыка» номинациясендә җиңү яулады.
«АнтошкиЛенд» ансамбле җитәкчесе Ирина Веденина үзенең шәкертен беренчеләрдән булып котлады. Ул бу җиңү артында күпьеллык хезмәт, тырыш репетицияләр һәм үз көчеңә ышаныч ятуын яхшы белә.
Алда – 13–14 ноябрьдә фестивальнең финал этабы, ә 16 ноябрьдә Гала-концерт көтә. Димәк, Дамирны тагын зур сынаулар һәм яңа мөмкинлекләр көтә.
Нет комментариев