Сабак алыйк

Җәйге чорда, кешеләр шәһәр фатирларыннан бакчаларга күчкәч, янгыннар да кискен күбәеп китә.
Узган атнада шулай ике бакчачылык җәмгыятендә мунча хуҗаларының үз гаебе белән, мичен артык кызу ягудан чыккан. Көннәр эссе торуга карамастан, кешеләр мунчаларын кыштан да ким якмыйлар. 771нче чакрымдагы - «Урожай», Васильевоның «Октябрьнең 60еллыгы» бакчачылык җәмгыятьләрендәге мунчалар шул сәбәп белән зыян күргән. Янгын сүндерүчеләрнең тиз эш итүе аркасында гына терәлеп диярлек торган бакча өйләренә зыян килмичә калган. Күршеләр бәласеннән сабак ала белүчеләр булсын иде.