Инвалид бала караучыларга

РФ Президенты Указы нигезендә I төркем инвалид бала яисә балачактан ук инвалид бала караучыларга ай саен пособие түләнә.
Бу пособие инвалид бала караган ата-анага (уллыкка алучыга) яисә опекунга (попечительгә) - 5500, ә башка затларга 1200 сум күләмендә бирелә. Әлеге түләү эшкә яраклы кешенең инвалид карап эшли алмаган өчен хезмәт хакын компенсацияләү максатыннан билгеләнә. Пособие алу өчен инвалид караучы эшкә сәләтле булса да эшләмәве, һәм шулай ук пенсия һәм эшсезлек буенча пособие алмавы шарт булып тора.
Ә асрамага бала алучыларга мондый пособие каралмаган, чөнки аларның хезмәте өчен түләнә һәм пенсия фондына страховой взнослар күчерелеп, страховой стажга кертелә.