Кибет киштәләрендә консервланган мондый абрикосларның бәяләре тешләшә торган. Хәзер базарда бу җимешнең бәясе төшкәннән төшә бара, ә нигә аны үзебезгә әзерләмәскә ди әле?!
Фото: ясалма интеллект
Алабыз 3,5 кг абрикос, 800 гр шикәр комы, ярты лимон согы.
Абрикосны юып, урталай бүләбез һәм төшләрен алабыз. Шикәр комы белән 2 л суны кушып, 2 минут кайнатабыз.
Әзер ширбәткә абрикосларны салып, лимон согы өстибез һәм кайнап чыкканнан соң 7 минут утта тотабыз.
Аннары абрикосларны стерильләштерелгән банкаларга 3/4 өлешенәчә тутырабыз. Савытта калган ширбәтне кабат кайнатып чыгарып, банкадагы абрикослар өстенә агызып бетерәбез.
Кайнар килеш капкачлап, банкаларны әйләндереп куябыз һәм суынганчы шулай тотабыз.
Нет комментариев