Хуҗасыз предметларны тапканда нишләргә?

Фото/видео: ТНВ

ЯРАМЫЙ:

• предметка кагылырга, аны күчерергә яисә ачарга;
• янында кәрәзле телефоннан файдаланырга;
• балаларны һәм башка кешеләрне табылган предмет янына җибәрергә.

КИРӘК:

• куркынычсыз урынга китү;
• 112 номеры буенча табылдык турында хәбәр итәргә;
• тирә-юньдәгеләрне кисәтергә;
• белгечләрнең килүен көтәргә.

Аерым игътибар – балаларга!

Балаларга урамда табылган уенчыкларга, телефоннарга, сумкаларга, акчага һ.б. кагылырга ярамавын аңлатырга, олыларга теләсә нинди шикле табыш турында хәбәр итәргә, 112 номерын өйрәтергә кирәк.

Куркыныч предметларны кайда табарга була:

• җәмәгать транспорты;
• подъездлар һәм ишегаллары;
• сәүдә үзәкләре;
• балалар мәйданчыклары;
• мәгариф учреждениеләре.

Исегезгә төшерәбез, Мәскәү асты Красногорск шәһәрендә урамда табылган 10-сумлык купюраны күтәрергә тырышканда 10 яшьлек малайның кул чугы өзелде.

Россия тикшерү комитеты җинаять эше кузгатты.