Хәерле иртәләр, дуслар! Сезгә иртәнге ашка тәмле һәм туклыклы – ТАВЫК ИТЕННӘН БУТЕРБРОД тәкъдим итәбез

 2 порциягә:

• 4 кисәк тулы бөртектән пешерелгән ипи, тавыкның пешерелгән түш ите,
• помидор,
• 4 салат яфрагы кирәк.

Соус өчен:

• 1 аш кашыгы куе каймак,
• ¼ чәй кашыгы горчица, тоз.

Ипиләрне тостерда кыздырып алабыз, бер ягына соус ягабыз. Шуның өстенә катламлап салат, нәзек кенә итеп киселгән ит һәм помидор куябыз. Иң өскә икенче кисәк икмәкне куеп, кул белән басып алабыз.

Әгәр дә сезнең үзегезнең куллана торган рецептларыгыз бар икән, безнең белән дә уртаклашыгыз!