Суган утырту ысулы

Әгәр дә көзеннән утырткан сарымсакның кыягы 6-7 см булса, димәк суганны җиргә төртергә мөмкин дигән сүз.
Шулай да, туфракның никадәр җылынуына да игътибар итү дөрес булыр. Әгәр дә салкын икән, көтәргә кирәк.
Әмма соңга калып, соңрак утыртсаң, суган чебене аркасында уңышның бер өлешеннән колак кагуың бар.
Чиләкләп уңыш алу өчен нишләргә?
Түтәлне әзерләргә. Еш кына анда үсемлекләр өчен туклыклы матдәләр җитми торган була.
Буразналарга, туфракны кальцийга баету һәм әчетү өчен, акбур салыгыз. Бер метр квадрат җиргә 1 стакан акбур алына. Аннары өстән черемә һәм көл сибегез. Сак кына җирне йомшартып, барысын бергә шунда болгатыгыз. Суган утырту түтәле әзер.
Аннан, бер чиләк җылы суга (1 литрга 1 кашык нисбәтеннән) нашатырь спирты кушып болгатыгыз, шул катнашмада суганнарны 20-30 минут җебетегез. Бу гына түгел әле. Хәзер, һәр суганны кызыл борыч, тоз һәм көл катнашмасына батырып алыгыз. Шуннан соң гына утыртыгыз.
Суганны бу кадәр хәсият ләп утыртканыгыз юктыр әле. Уңышы бик мул була, диләр.