Орхидея еш һәм шаулап чәчәк атсын өчен нишләргә

Орхидея еш һәм шаулап чәчәк атсын өчен аны сарымсак белән тукландырырга кирәк икән! Ул чәчәкнең тамыр системасын ныгыта, бактерияләрдән саклый.

Орхидеяга «тәмлүшкә» ясау өчен 5 зур яки 6–7 ваграк теш сарымсак, ике стакан су (500-600 мл) һәм ярты төймә янтарь кислотасы кирәк.

Янтарь кислотасын җылы суда эретеп, аңа изелгән сарымсак салып, пыяла савытта бер тәүлек тотарга. Аннары әлеге катнашманы зуррак савытка салып ике стакан су белән болгатырга, анда орхидеяны савыты белән утыртырга кирәк. Шулай ук төбенә дә бераз сарымсаклы катнашманы сибәргә киңәш ителә. Ике сәгатьтән орхидеялы гөл чүлмәген әлеге катнашмадан алып үз урынына куярга мөмкин. Ә берәр айдан ул сезне чәчәкләре белән куандырыр.

Чыганак: 1001 КИҢӘШ