Июнь аенда бакчада эш күп

*Бет (тля) тә күп зыян сала. Аның белән көрәшү өчен куак һәм агачларның ябалдашларын да сабынлы көл суы белән коендыралар. Ә төпләренә көлне сибәргә кирәк. Карлыган белән крыжовникның бетләгән яфракларын юк итегез.

*Үсемлекләрдә ончыл чык күрсәгез, аларны сабын һәм сода катнашмасы белән эшкәртегез. Бу аның таралуын тоткарлар.

*Агач-куакларда корыган һәм өшегән ботакларны кисегез, урынын сылап куегыз.

*Июньдә агачлар һәм куаклар суга мохтаҗ. Коры һәм эссе һава торганда карлыган бигрәк тә су сибүне таләп итә, юкса җиләкләре вак булачак.