#кирәклекиңәшләр
Чебиләр алыр вакыт
Ит өчен үстереләчәк бройлерларның әтәч яки тавык булуы артык әһәмиятле түгел. Ә инде, шулай да, сайлыйсыгыз килә икән, аларны чеби вакытында канатларын җәеп карап, аерып була.
- Әтәчнең каурыйлары бер размерда, ә тавыкныкы – төрле озынлыкта. Җенесләренә карамыйча, хәрәкәтчән, актив, янып торган, тоныкланмаган күзле чебиләрне сайларга кирәк.
- Әгәр дә чебинең йоны коелган, утырып кына тора, ә күзләре тонык икән – ул авыру һәм озак яшәмәячәк. Сәламәт чебинең эче йомшак, күпермәгән, җыйнак була.
- Йоннары тигез, тыныч вакытта канатлары кабармаган, ә гәүдәсенә тыгыз ятып торырга тиеш. Сәламәт чебиләрнең тавышка реакцияләре яхшы. Алар салынган әрҗәгә суккаласаң, тавыш ягына киләчәкләр.
- Сәламәт РОСС308, КОББ 500 кроссларның эчләре бераз гына күпергән, түгәрәк. Томшыклары һәм аяклары бераз гына зәңгәрсү булырга мөмкин.
- 2-3 атналык чебиләрнең ашкайнату системасы җитлекмәгән, алар оптималь тән температурасын тотарга әле сәләтле түгел.
- Түшләре туңуны, салкын тию авыруларын булдырмас өчен температура режимын гына саклау җитми, асларын да җылытырга кирәк.
- Чебиләр 5 көнлек булганчы ке тәклекләрен 20-24 сәгать дәвамында яктырту таләп ителә. Бер атналык булып, кошлар көн белән төнне аера башлагач, һәр ике сәгать саен 10-15 минутка утны сүндереп алалар. Шул рәвешле якты көн дәвамлыгын 16-17 сәгатькә җиткерәләр.
- Чебиләр асрала торган урында вентиляция булырга тиеш.Бройлерларга даими саф һаваның кереп торуы яшәү өчен кирәк.
- Бройлерларны ашату - күпмелек булулары белән бәйле.
- Түбәндәге даимилекне сакларга кирәк:
- 1 атна - көнгә 8 тапкыр;
- 2 атна - 6 тапкыр;
- 3 атна - 4 тапкыр;
- 4 атналыктан алып суйганчыга кадәр - тәүлеккә 2 тапкыр ашатырга.
- Ашатканда кулланыла торган комбикорм төрле фракциядәге коры төер рәвешендә яки барлык продуктлар сөттә, шулпада йә булмаса сүлдә җебетелгән булырга мөмкин.
- Кулланылган сыеклыкның ризыкка нисбәт күләме 1,7:1. Кошларга, ашказаны – эчәклек тракты авыруларын кисәтү максатыннан, марганцовка эремәсен эчерергә киңәш ителә.
Следите за самым важным и интересным в Telegram-каналеТатмедиа
Нет комментариев