#кирәклекиңәшләр
Бакчачылар өчен халык сынамышлары
Ышансаң – ышан, ышанмасаң – юк!
- Бәрәңгене чәршәмбе һәм шимбә көннәрендә утыртмау хәерле – бозылачак.
- Көнбагышны кояш батканнан соң шимбә көнне чәчәләр. Бу вакытта сөйләшмиләр һәм көнбагыш ашамыйлар.
- Кишер орлыкларын иртүк җебетәләр һәм якында чит кешеләр булмаганда чәчәләр.
- Кабакны базар көн яки сишәмбе утырталар.
- Каен алкалары шартласа – икмәк чәчәр вакыт.
- Тал “песиләре” чыккач, нәркис чәчәк аткач редис, кызыл кәбестә, салат, иртә өлгерүчән торма чәчәләр.
- Бәрәңгене шомырт, аю баланы чәчәк аткач утырталар. Чия чәчәк атканда кукуруз, укроп чәчәләр. Имән яшелләнгәндә борчакка чират җитә.
- Чикләвек куагы, миләүшә чәчәге атканда кишер һәм петрушка чәчү яхшы.
- Канәфер (сирень) чәчәк ата башласа, җәйге кәчәнле салат чәчегез.
- Бака бакылдый икән, солы чәч. Алмагач чәчәк аткан вакыттан да соңга калма.
- Имән яфрагы бер тиенлек зурлыгында булганда арпа чәч.
- Миләш, балан чәчәк атты исә, кыяр һәм помидор утырт. Кабак, патиссон турында да онытма.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев