Аш серкәсе – хуҗабикә ярдәмчесе

• Кер юу машинасының чайкау өчен кондиционер бүлегенә бераз аш серкәсе салыгыз – ул керне йомшарта һәм порошок калдыкларыннан арындыра.
• Пыялага аш серкәсе сиптерсәң, аны юганнан соң эзләр калмый.
• Чәчне аш серкәсе салынган суда чайкасаң – алар шома була һәм ялтырап тора.
• Душ «башын» аш серкәсендә берәр сәгать җебетсәң – известьтан чистарта.
• Телефон һәм телевизор экранын аш серкәсенә манылган чүпрәк белән сөртсәң, алар майсызлана һәм дезинфикцияләнә.
• Чәйнектә аш серкәсе салынган су кайнатсаң, аның эче чистарып калыр.
• Кырмыска сукмакларына аш серкәсе сибеп, әлеге чакырылмаган кунаклардан котылырсыз.
• Идән юганда суга берәр стакан аш серкәсе кушсаң, идәнегез дезинфикцияләнер һәм ялтырап торыр.
• Исләнә башлаган кухня губка-чүпрәкләрен төнгә аш серкәсенә батырып калдырсаң, бактерияләрен үтерә һәм сафландыра.
• Наклейкалар ябышкан урыннарда эзләрен бетерү өчен аш серкәсе сиптерегез – келәйнең эзе дә калмас.

Фото: ясалма интеллект программасыннан алынды