28 апрель - 4 май – эш урыннарында сәламәтлекне ныгытуның иң яхшы тәҗрибәләрен популярлаштыру атналыгы

Лифт урынына – баскыч, фастфуд урынына – йогурт.

Бүгенге көндә предприятиеләрдә корпоратив программаларны гамәлгә кертү гражданнарның сәламәтлеген саклауның мөһим юнәлеше булып тора.

Бу йогышлы булмаган авырулар үсешенең төп куркыныч факторларын профилактикалауга юнәлдерелгән күп модульле проектлар.

Эш урынында сәламәтлекне ныгытырга ярдәм итә торган кайбер практикалар:

• Эш киңлеген оештыру. Эргономика, дөрес яктырту, чисталык һәм саф һава.
• Көн дәвамында физик активлык. Һәр 1-2 сәгать саен мини-разминка, лифт урынына баскыч куллану, корпоратив активлык (йога, зарядка, төшке аш вакытында җәяү йөрү).
• Туклану һәм су балансы. Фастфуд урынына сәламәт туклану (чикләвек, җиләк–җимеш, йогурт), җитәрлек күләмдә су (көненә 1,5-2 литр).
• Менталь сәламәтлек турында кайгырту. Стрессны киметү (бурычларны планлаштыру, күп бурычлылыктан баш тарту), уңайлы психологик атмосфера (коллективта ачык аралашу, хезмәттәшләргә ярдәм итү).
• Һөнәри авыруларны профилактикалау. Офис хезмәткәрләренә — күзләр өчен гимнастика, компьютерда эшләгәндә махсус күзлекләр куллану, «аякларда» эшләүчеләр өчен – уңайлы аяк киеме, компрессион оеклар (кирәк булганда), даими медицина тикшерүе, вакцинация һәм диспансеризация.

Валерия Феоктистова,

Яшел Үзән медицина профилактикасы үзәгенең халыкка гигиена тәрбиясе буенча  табибы

Фото: freepik