Хаҗәт догасы

Фото: Чулпан Гыйсмәтуллина, «ЯҮ»

Тәртибе:

1. Тәһарәт (госел) алырга.
2. Ике рәкәгатьле намаз уку.
3. Аллаһка хәмед әйтергә:

Әлхәмдү ли-Лләәһи Рабби-ль-гъәәләмиин.

«Барча мактаулар – галәмнәрнең Раббысы [тәрбиячесе] Булучы Аллаһка».

4. Пәйгамбәребез Мөхәммәдкә ﷺ салават әйтергә (төрле формасы бар, иң эчтәлекле кыска төренең берсе):

Әллааһүммә съалли үә сәллим гъәләә сәййидинәә Мүхәммәдиү-үә гъәләә әәлиһи үә съахбиһи әҗемәгыййн.

«Аллаһым, сәедебез [пәйгамбәребез] Мөхәммәдкә ﷺ, аның әһле-бәйтенә (гаилә әһелләренә) һәм барлык сәхабәләренә салават-сәламнәрең булсын».

Яки намазда «Әттәхият»тан соң укыла торган «Ибраһимия» салаватын укырга мөмкин.

5. Түбәндәге доганы укырга:

Ләә иләәһә иллә- Ллааһу-ль-Хәлиймү- ль-Кәрийм,

Сүбехәәнә-Ллааһи Рабби-ль-гъәрши- ль-гъәҙъыййм,

Әлхәмдү ли-Лләәһи Рабби-ль-гъәәләмийн,

Әс-әлүкә мүүҗибәәти рахмәтик,

Үә гъәзәә-имә мәгъфиратик,

Үә-ль-гъаниймәтә миңң-күлли биррин,

Үә-с-сәләәмәтә миңң-күлли иҫмин,

Ләә тәдәгъ лий ҙәммбән илләә гъафәртәһ,

Үә ләә һәммән илләә фәрраҗетәһ,

Үә ләә хәәҗәтән һийә ләкә ридъан илләә къадъайтәһәә,

Йәә әрхәмә- р-Раахимийн.

«Хәлим (әмерләренә буйсынмаган колларына Җәзасын Ашыктырмаучы, Мәрхәмәтле) һәм Кәрим (колларының лаеклы-лаексыз булуына карамастан, аларны Нигъмәтләндерүче, Юмартларның юмарты) Булучы Аллаһтан башка табынырга лаеклы илаһ (зат) юк.

Бөек гарешнең Раббысы Булучы Аллаһ барлык кимчелекләрдән пакь.

Барча мактаулар – галәмнәрнең Раббысы [тәрбиячесе] Булучы Аллаһка.

[Аллаһым,] Синнән мәрхәмәтеңә илтүче нәрсәләрне, мәгъфиратыңа (кичерүеңә) лаеклы итүче гамәлләрне, һәртөрле ганимәтләреңә ия булуны һәм барча гөнаһлардан саклавыңны сорыйм.

[Аллаһым,] минем бер генә гөнаһымны да кичермичә, бер генә кайгы-борчуымны да җиңеләйтмичә һәм Син риза булган бер генә ихтыяҗымны да үтәмичә калдырмасаңчы,

Әй, мәрхәмәтлеләрнең иң Мәрхәмәтлесе Булучы [Аллаһым]!»

6. Теләгәнеңне сорарга.

Көндәлек тормышта укыла торган догалар