Геймерларга юл ачык: контрактчыларны «гражданка» да көтә

Бу хакта безгә Яшел Үзән районы хәрби комиссариатының  контракт буенча хәрби хезмәткә сайлап алу пункты инструкторы Самат Миңнеханов аңлата.

«Хәзерге вакытта пилотсыз очкыч системалары гаскәрләренә сайлап алу бик җитди – моңа, шул исәптән, махсус шартлар да тәэсир итә. Хезмәттән азат ителгәннән соң да, пилотсыз оча торган аппаратлар белән эшләү күнекмәләре алган сугышчылар кирәкле белгечләр булачак, чөнки мондый җайланмалар бүгенге көндә тормышның төрле өлкәләрендә: авыл хуҗалыгында, сакчылык структураларында һәм башка күп урыннарда актив кулланыла», – диде ул.

Компьютер уеннарын яратучыларның мондый гаскәрләргә эләгү мөмкинлекләре зуррак. Сәбәбе – аларда кулларның вак моторикасы яхшырак үсеш алган, шулай ук геймерларга таныш булган интерфейс өйрәнү процессын тизләтә.

Исегезгә төшерәбез, 1 гыйнвардан Татарстанда РФ Оборона министрлыгы белән контракт төзергә теләүче гражданнарга түләүләр 2,9 млн сумга кадәр арттырылды – бу илдә иң югары түләүләрнең берсе һәм Идел буе федераль округында иң зур күрсәткеч. Моннан тыш, Татарстанда бүгенге көндә Махсус хәрби операциядә катнашучыларны һәм аларның гаиләләрен хуплауга юнәлдерелгән өч меңнән артык муниципаль акт кабул ителгән.

РФ Оборона министрлыгы белән Татарстан Республикасында контракт төзү турында тулырак мәгълүмат, өстәмә премияләр, льготалар һәм түләүләр турында heroes-tatarstan.ru сайтында белешергә мөмкин. Шулай ук хәрби хезмәткә контракт буенча сайлап алу пунктына (1нче разряд) түбәндәге адрес буенча мөрәҗәгать итә аласыз: Казан, Аэропорт урамы, 1/40; телефон: (843) 221-44-52. Башка төбәкләрдә яшәүчеләргә 8 800 222 59 00 номеры яки 117 – колл-үзәгенең төбәкара номеры буенча шалтыратырга кирәк.

Әлеге сорау белән Яшел Үзән районы хәрби комиссариатына да мөрәҗәгать итеп була: Туктаров урамы, 3нче йорт.