Татар Әҗәле авылында чүп контейнерларын күчерәләр

Фото: Рәзилә Хәйретдинова, «ЯҮ»

Татар Әҗәленнән мөрәҗәгать итүем. Безнең авылга керә торган юлда чүп контейнерлары урнаштырылган. Аны авыл эченәрәк күчерергә телиләр. Тик без бу фикергә каршы. Ул урынга балалар мәйданчыгы куйсалар, ничек шат булыр идек.

Редакциядән: Без бу сорауны белештек. Әлеге чүп контейнеры авыл башында ук торгач, бик матур күренеш түгел һәм янәшә Җиңү паркы да урнашкан. Шоферлар да еш кына шул урында туктый. Шуңа да авыл халкы киңәшләшеп, күчерергә дип, уртак фикергә килгән. СанПиН нормалары буенча чүп мәйданчыгы йортларга 20 метрдан да якынрак урнашырга тиеш түгел. Ә монда 50 метрлап ара бар.