Югары Урысбага авылында яшәүче кадерле әтиебез Гыйльманов Фәндияр Кәлим улын 75 яшь тулу уңаеннан кайнар котлыйбыз

Безне аякка бастырып, олы юлга чыгарганчы әни белән сиңа күп сынаулар үтәргә туры килгәндер. Әниебез белән безне кадерләп үстереп, үз юлыбызга аяк басарга булышканың, яратып-сөеп, аталарча кайгыртканың, гаделлеккә өйрәткәнең өчен зур рәхмәт сиңа, әти. Син безнең өчен һәрчак олы җанлы, киң күңелле кеше, таянычыбыз, ышанычыбыз һәм киңәшчебез булып каласың. Син безгә дә, туганнарыңа да шәфкатьлелек, ярдәм һәм туганлык үрнәге күрсәтеп яшисең. Һәрвакыт ягымлы, йомшак күңелле генә булып калмыйча, кирәк вакытта кырыс та, таләпчән дә була беләсең. Әти! Соңгы вакытта үтелгән катлаулы сынауларга карамастан, сынмадың, бирешмәдең. Туган нигезгә кайтканда кочак җәеп каршы алуың өчен, кулыңнаннан килгәнчә ярдәм итеп торуың өчен Алланың рәхмәте яусын сиңа. Өебез һәрчак ямьле, ризыклы булсын, балаларыгызның, оныкларыгызның игелеген күреп, әни белән бер-берегезгә куаныч, терәк, ышаныч булып озак гомер итегез. Әти! Сиңа исәнлек- саулык, җан һәм тән тынычлыгы, чиксез шатлык-сөенечләр, ак бәхетләр телибез. Гел шулай көләч, шат күңелле һәм җор телле булып кал. Безне сөендереп озын-озак яшә!

Иң изге теләкләр белән балаларың.