18 февральдә Югары Урысбага авылында яшәүче кадерле гомер юлдашым, әтиебез Рифкат Ишметов матур юбилеен билгеләп үтә

Әтиебез! Син гаиләбезнең ышанычлы терәге, үрнәк әти, кай­гыртучан гаилә башлыгы. Бик туган җанлы, ярдәмчел, мәрхәмәтле кеше ул безнең. Әниебез белән иңгә-иң куеп, тату гаилә кочагында гомер кичерәләр. Безне, ике кызын яхшы тәрбия биреп үстереп, югары уку йортында укытып, олы тормышка аяк бастырдылар.
Кадерлебез! Барлык яхшылыкларың өчен рәхмәт әйтеп, озын гомер, нык исәнлек, иман байлыгы телибез сиңа. Күңел күгең һәрчак аяз булсын, көннәрең шатлык-сөенечләр белән тулып торсын. Әнием белән пар канатлар булып, безнең игелегебез­не күреп, рәхәт, матур тормышта яшәргә Ходай насыйп итсен.
Йөрәгеңнең киңлегенә
Сыйганбыз барыбыз да.
Без бәхетле синдәй кеше
Булганга яныбызда.

Ярдәм, киңәш кирәк чакта
Бар синең төпле сүзең.
Күрше-тирә, дус-туганга
Елмаеп тора йөзең.
Син бар чакта, безгә рәхәт,
Балкып тора өй эче.
Тормышны сөеп яшәргә
Сүнмәсен, синең көчең!

Хатының Фәрдәнә, кызларың-кияүләрең, оныкларың.