Авыл хуҗалыгы белгечләре, сезнең өчен!

Ведомствода 8-800-444-16-70 бердәм кайнар линия телефоны эшли башлады. Ул гражданнар өчен дә, авыл хуҗалыгы җитештерүчеләре өчен дә каралган. Монда терлекчелек, үсемлекчелек, механикалаштыру, азык-төлек базары мәсьәләләре буенча фикер алышырга, шулай ук шикаятьләрне, тәкъдимнәрне калдырырга мөмкин.

Телефон дүшәмбедән пәнҗешәмбегә кадәр 8.00дән 17.00 сәгатькә кадәр һәм җомга көнне 8.00дән 15.45 сәгатькә кадәр эшли. Ведомствода хәбәр итүләренчә, колл-үзәк эшен яхшырту һәм аеруча актуаль мәсьәләләрне анализлау максатында барлык сөйләшүләр язылып барыла.