Осиновода эшмәкәр җирле амбулатория өчен дезинфекция чаралары сатып алган

- Күрсәткән ярдәмнәре өчен Андрей Сергеевич Варламовка рәхмәт сүзләре әйтәсе килә. Бу катлаулы вакытта без битараф булмаган күпме кешене күрәбез һәм уртак көчләр белән генә барлык кыенлыкларны җиңәргә мөмкин булуын аңлыйбыз, - дип ассызыклады Осиново җирлеге башлыгы Альберт Сәлимов.

Узган атнада "Майский" теплица комбинаты элеккеге хезмәткәрләренә предприятие продукциясе салынган 600 җыелма тапшырган иде. Йортлар буенча аларны, вакытлыча волонтер булган, Осиновоның Карпов исемендәге лицей һәм балалар бакчалары хезмәткәрләре таратып чыкты.