Ашаганда авызны бөрештергәнгә, күп кеше аны яратып бетерми. Моңа танин дип аталучы матдә гаепле. Өлгереп җиткән хөрмәдә танин азрак була, димәк, рәхәтләнеп ашарга мөмкин.
Көнгә бер хөрмә ашасаң:
- Кан басымын төшерә, чөнки сидек кудыру үзлегенә ия.
- Клетчатка күп булганлыктан, ашкайнату процессын яхшырта.
- Составында бета-каротин күп. Ә ул нерв тышчасын ирекле радикаллар һөҗүменнән саклый.
- А, Е, В2 витаминнары, магний, тимер бар.
Хөрмә:
- Салкын тиюдән һәм грипптан саклый, чөнки хөрмәдә С витамины бик югары концентрациядә. Ул организмны ныгыта, грипп һәм салкын тию симптомнары белән көрәшә.
- Хөрмәдәге тимер кан ясау процессларында актив катнаша һәм анемия үсешенә комачаулый. Авыруны булдырмас өчен, көн саен йөз граммга якын хөрмә ашарга кирәк.
- Сидек кудыру үзлегенә ия. Хөрмә җимешләре калий һәм кальцийга бай. Көндәлек ашау сидек кудыру препаратларыннан нәтиҗәлерәк булачак.
Нет комментариев