Яшел Үзәндә батучы балыкчыны коткардылар
Кичә, 18 август көнне, 13.04 сәгатьтә "112" системасы буенча, Иделдә, тимер юл күпере янында, кеше утырган көймә әйләнүе турында хәбәр килә. Әлеге хәлнең шаһитлары объектның сак хезмәткәрләре. Каравыл начальнигы Андрей Иванов оператив рәвештә коткару хезмәтенә һәм Яшел Үзән ГИМС бүлеге җитәкчесенә мәгълүмат бирә.
Урынга кичекмәстән ГИМС инспекторлары Руслан Халиков һәм Артём Макаров чыга. 64 яшьлек ир-атның "Обь М" көймәсендә балык тотуы ачыкланган.
Көтмәгәндә кечкенә суднога дулкын бәрелә. Көймә аның көченнән әйләнә, ир-ат ярдан 200 метр ераклыкта су белән бермә-бер кала.
Ярдәм вакытында килеп җитә. ГИМС хезмәткәрләре, 15 минут эчендә зыян күрүчене судан тартып алалар һәм ярга чыгаралар . Ир-атка медицина ярдәме таләп ителмәгән.
Регина Чибрикова
Следите за самым важным и интересным в Telegram-каналеТатмедиа
Нет комментариев