Татарстаннан җиде яшьлек малай мунчада ис тиеп агуланган һәм үлгән

Бу хакта Россия Гадәттән тыш хәлләр министрлыгының республика буенча баш идарәсе матбугат хезмәтендә хәбәр иттеләр.

Фаҗига узган ял көннәрендә республиканың Спас районы Танкеевка авылында була. Әнисе әйткәнчә, ул көнне утын белән ягыла торган мунча мичен берничә тапкыр ягып торалар. Кечкенә малай ялгызы юынырга чыгып киткән. Әмма әти-әниләр баланы аңсыз килеш 15 минуттан соң ук табып ала.

Малайның мунчада ис тиеп, аңын югалтуы күздә тотыла. Ведомствода билгеләп үтүләренчә, мунча морҗасы ачык була, үтерү характерындагы эзләр юк.
Хәзер фаҗиганең сәбәпләре ачыклана.