Полиция хезмәткәрләре Яшел Үзәндәге төнге клубта массакүләм сугышуда катнашучыларны тоткарлаган

Шаһит "Татар-информ" хәбәрчесенә сөйләгәнчә, ызгышта катнашкан кайбер катнашучылар "GoBlin" кафесыннан чыккан, әмма төп масса соңрак килгән.

Сугышуда катнашучыларның яртысының, диярлек, кулларында арматура булган. Полицейскийлар клуб янына килгән, ләкин аларның килүенә катнашучылар инде качып өлгергән.

Полиция хезмәткәрләре шаһитлардан сораштырган, күрше кибет бинасында урнаштырылган видеокүзәтү камералары язмаларын өйрәнгән. Кафе хезмәткәрләре сүзләренчә, барлык персонал һәм шаһитларны иртәнге сәгать дүрткә кадәр сораштырганнар.

Массакүләм сугышуның сәбәпләре турында билгеле түгел, әмма низаг, хезмәткәрләр сүзләренчә, кафе диварларыннан читтә килеп чыккан.

Берничә егетне полиция бүлегенә китергәннәр, сугышуда катнашкан калганнарның шәхесен ачыклыйлар. Хулиганлык маддәсе буенча эш кузгатылган.