Яшел Үзәндә балаларның юл-транспорт травматизмын профилактикалауга юнәлдерелгән киң масштаблы «Язгы каникуллар» чарасы уза

17 марттан 30 мартка кадәр Яшел Үзән территориясендә  балаларның юл-транспорт травматизмын профилактикалауга юнәлдерелгән киң масштаблы «Язгы каникуллар» чарасы уза.

Һәлакәткә эләккән балаларның күбесе пассажирлар. Юл хәрәкәте кагыйдәләре нигезендә җиңел автомобильдә 12 яшькә кадәрге балаларны алгы утыргычта һәм 7 яшькә кадәргеләрне  арткы утыргычта йөртү, аның авырлыгына һәм буена туры килә торган махсус җайланмалар кулланып башкарылырга тиеш. Автоинспекторлар 12 яшькә кадәрге балаларны арткы утыргычта йөрткәндә дә махсус җайланма кулланырга киңәш итә. 12 яшьтән өлкәнрәкләр иминлек каешын эләктерергә тиеш.

Автоинспекция хезмәткәрләре балаларны йөртү кагыйдәләрен бозуны кисәтү буенча актив эшне дәвам итәчәк. Мондый хокук бозган өчен административ Кодекс нигезендә өч мең сум күләмендә штраф каралган.

Җәяүле балалар катнашындагы 14 юл-транспорт һәлакәтендә 15 яшүсмер җәрәхәтләнгән.

Юл хәрәкәте кагыйдәләрен бозучы балалар да полиция хезмәткәрләре игътибарыннан читтә калмаячак. Мәгълүмат профилактик эш алып бару өчен мәгариф оешмасына тапшырыла.