Яшел Үзән районында яшь егет, юл кырыена төшеп китеп, машинасы белән капланган

37сендә матди зыян китерелгән. 2 очракта кешеләр имгәнгән. 8 машина йөртүче исерек килеш тотылган.

Заикин урамында «Лада Гранта» автомобилен йөртүче 34 яшьлек ир, юл хәрәкәте куркынычсызлыгы кагыйдәсен бозып, 18 яшьлек җәяүлене бәрдергән. Нәтиҗәдә, башы җәрәхәтләнгән, күп санлы бәрелгән урыннары булган җәяүлене Казанның 7нче хастаханәсенә госпитализацияләгәннәр.

Карамалы Тау – Албаба автоюлының 26км+600м чакрымында «Лада Приора» автомобилен йөртүче 20 яшьлек егет, юл хәрәкәте иминлеге кагыйдәсен бозып, юл кырыена төшеп китеп, машинасы белән капланган. Нәтиҗәдә, баш мие җәрәхәтләнгән, борын сөяге сынган йөртүчене Яшел Үзән район үзәк хастаханәсенә китергәннәр. Бу фаҗигадә тән җәрәхәтләре алган дүрт пассажирга да медицина ярдәме күрсәтелгән.