Яшел Үзәндә бу атнада 2 градуска кадәр салкынайтачак

Бу атнада җитди салкынайту көтелә. Бу ТР Гидрометүзәге тараткан фараздан күренә.

Иртәгә, чәршәмбе, 16 сентябрьдә, атмосфера басымы үсә башлаячак, шуның аркасында явым-төшемнәр урыны белән генә булачак. Төньяк-көнбатыштан искән җилнең тизлеге 15-20 м/с ка кадәр җитәчәк. Температура фоны төнлә +4, +9 градуска кадәр түбәнәя, ә көндез +10, +15 градус җылылык көтелә.

Пәнҗешәмбе, 17 сентябрьдә, Татарстанда антициклон йогынтысында явым-төшем булу ихтималы кими. Шул ук вакытта төбәктә тагын да салкынрак булачак - төнге сәгатьләрдә һава температурасы 2-7 градус җылылык тәшкил итәчәк. Хәер, тәүлекнең көндезге вакытында һава 12-17 градуска кадәр җылыначак. Метеорологлар фаразлавынча, җомга һәм шимбә, 18 һәм

19 сентябрьдә, республикада чираттагы төньяк-көнбатыш циклонның атмосфера фронтлары хакимлегендә булачак. Яңадан яңгырлар, көчле җил һәм температура тирбәлеше фаразлана. Шимбә көндез һава температурасы 15-20 градус тәшкил итәчәк. Ләкин якшәмбе көнне ул 8-13 градус җылыдан артмаячак.