Яшел Үзән сөт эшкәртү комбинаты инженеры Роза Җәләлетдинова Россия Федерациясе Авыл хуҗалыгы министрлыгының Мактау грамотасы белән бүләкләнде

«Агроволга 2021» халыкара агросәнәгать күргәзмәсе кысаларында Россия Федерациясенең ведомство бүләкләрен тапшыру булды. Роза Җәләлетдинова республиканың агросәнәгать комплексы системасында озак еллар нәтиҗәле хезмәте өчен билгеләп үтелде.

Роза ханым комбинатта 17 ел эшли. Үзенең оештыру сәләте, грамоталылыгы, хезмәт сөючәнлеге һәм максатчанлыгы аркасында ул инде берничә тапкыр республика һәм федераль дәрәҗәләрдә билгеләп үтелде - 2013 елда Татарстан Республикасы Авыл хуҗалыгы һәм азык-төлек министрлыгының Мактау грамотасына, ә 2017 елда Россия Федерациясе Авыл хуҗалыгы министрлыгының Рәхмәт хатына лаек булды.

Котлыйбыз!