Яңа ел каникулларында Татарстанның алты шәһәре объектларында ковидка каршы таләпләр үтәлмәгән

«Безнең тарафтан Яңа ел бәйрәмнәрендә эшли торган объектларны тикшерәләр. Бу театрлар, кинотеатрлар, сәүдә үзәкләре, даруханәләр, медицина оешмалары, кафе, кибетләр, кешеләрнең ял итү урыннары - шугалаклар, чаңгы базалары. Барлыгы бу көннәрдә 238 объект тикшерелгән, 12сендә хокук бозулар табылган. Бу тикшерелгән объектлар санының 5% ы", - дип сөйләде ул.

Авдонина ачыклаганча, хокук бозулар биш кибеттә, бер кинотеатрда, ике медицина үзәгендә һәм дүрт кафеда ачыкланган. Бу объектлар Казанда, Чаллыда, Әлмәттә, Яшел Үзәндә, Түбән Камада һәм Бөгелмәдә урнашкан.