Твиттер социаль челтәрендә, Казанда Яшел Үзәннең "Полукамушки" янгыныннан соң бернисез калган гаилә яшәве турында мәгълүмат таралды. Алты бала азык-төлеккә һәм киемгә мохтаҗ

Эрнесто кызның кайда яшәвен белешкән һәм шунда барган. Баксаң, кыз алты балалы күп балалы гаиләдән була. Ике малай һәм дүрт кыз, шуларның иң өлкәненә 12 яшь, кечесенә - 5. Эрнесто әлеге гаиләнең абыйсы белән аралашып, элек аларның Яшел Үзәннең бер районында яшәгәнлекләрен, ләкин янгыннан соң йортсыз калуларын белгән. Хәзер балалар әти-әнисез калган: әтиләре гаиләдән киткән, ә әниләре хастаханәдә.


Балалар Казан шәһәре, Нестеров чокыры - 20 адресы буенча яшиләр. Йортта газ һәм су юк, аренда түләве аена 7 000 сум. Эрнесто өлкән балаларның мәктәптә, ә кечкенәләренең өйдә укуларын ачыклаган. Гаиләдәге акча торак түләүгә һәм продуктлар сатып алуга китә. Балалар аныклаганча, аларда бернинди мәктәп кирәк-яраклары юк, барысы да янгында һәлак булган, ә аларның хәтта иң кирәкле әйберләрне дә сатып алырга мөмкинлекләре юк.

Twitter кулланучылары шәрехләрдә гаиләгә материаль ярдәм итәргә әзер булуларын яза. Әмма бу гаиләнең барлык проблемаларын: өйдә коммуникация юклыгын һәм кечкенә балаларның мәктәпкәчә учреждениегә урнашмавын хәл итмәячәк.

Татарстан прокуратурасы бу балалар турындагы мәгълүматның дөреслеген тикшерүне оештырды.