Татарстанлыларга Белем көнендә коры һәм җылы һава торышы вәгъдә итәләр

Синоптиклар мәгълүматлары буенча, яңгырлар булу ихтималы зур түгел. Алдагы көннәр белән чагыштырганда 30 – 31 августта һәм 1 сентябрьдә төньяк һава агымнары тәэсире аркасында бераз салкынрак булачак.

Иртәгә төнлә – +8 – 13 градус, ә 31 августта һәм 1 сентябрьдә +6 – 11 градус җылы булачак. Көндез һава температурасы +20 – 25 градуска кадәр җылыначак дип фаразлана.

2 һәм 3 сентябрьдә дә явым-төшем көтелми. Төнлә термометр баганалары +4 – 11 градус, ә көндез +22 –27 градус җылылыкны күрсәтәчәк.