Россиядә уртача пенсия күләме 17,4 мең сумга кадәр артачак

Хөкүмәт 2021 елда картлык буенча пенсиянең уртача еллык күләмен күтәрергә вәгъдә итә. Ул 6,3% ка артачак һәм 17 443 сум тәшкил итәчәк, дип планлаштырыла. Бу хакта Хезмәт министрлыгында хәбәр иттеләр, шул ук вакытта агымдагы вакытта эшләмәүче Россия пенсионерларының картлык буенча пенсиясенең уртача иминият күрсәткече 16 500 сумга тигез.

Хезмәт министрлыгында, киләсе елда социаль пенсияләрне индексацияләү 2,6% тәшкил итәчәк, дип аныкладылар. Киләсе елга планлаштырылган пенсия түләүләренең гомуми суммасы 7,6 трлн сум тәшкил итәчәк - аларны якынча 43 млн эшләмәүче пенсионер алачак.

Пенсия фонды шулай ук өстәмә түләүгә, күмүгә компенсация һәм пособиеләр бүлеп бирергә ниятли. Моның өчен фондта 9,6 трлн сум бюджет формалаштырылган. Шулардан пенсияләргә 8,4 трлн, ә айлык түләүләргә 425 млрд сум барачак.

ПФ җилкәсендә пенсия түләүләреннән тыш, шулай ук ана капиталы буенча түләүләр дә ята. Аны 1 миллионнан артык Россия гаиләсе алачак.