Күңелемдәгесен әйтәм

Менә шул, танышым оныгының теше сызлагач, стамотология поликлиникасына алып барган. Иртән талон алырга су буе чират торганда, аңа гына килеп җиткәч, кәгазь кисәгенең беткәнлеге ачыкланган.

Авырткан теш белән алар бушлай кабул итәргә тиеш булса да, регистратурада утыручы ханым: «Түләүле клиникага барыгыз!» – дип, бик «файдалы» киңәшен биргән.

Нишлисең, теш сызлауга түзәрлек түгел, барганнар. Ышанасызмы, юкмы, сөт тешен алдыру 5 мең сумга төшкән! Менә шуннан миндә ике сорау туа: беренчедән, ни өчен бездә бушлай медицина хезмәте күрсәтергә атлыгып тормыйлар һәм түләүле клиникаларда бәяне күктән алып куялар?! Бер сүз белән әйткәндә, бардак!