Коронавирус таралу буенча Татарстанны “сары” зонага керткәннәр

«Новости» РИА хәбәр иткәнчә, икътисади тикшеренүләр үзәгенең статистика һәм модельләштерү буенча эксперты Агаси Тавадян хәбәр иткәнчә, Россиянең барлык төбәкләрендә дә авыру очракларының кимүе билгеләнә.

«Россиянең барлык төбәкләрендә дә пик узуы турында әйтергә була, әмма эпидемиянең бетүе турында сөйләргә ярамый. Төрле төбәкләрдә эшләр төрлечә", - дип билгеләп үтелә.
COVID-19 таралу динамикасын, рәсми статистика нигезендә, төбәкләр зоналарга, ягъни авырулар санының сизелерлек кимүе буенча - «яшел»гә, акрын кимү - «сары»га, канәгатьләнерлек һәм кимү тенденциясе булганда - «ачык кызыл»га, көчле турбулентлык зонасында булганнар «кызыл»га бүленгән.

“Яшел" зонага Магадан, Мәскәү өлкәсе, Брянск, Тверь, Курск, Белгород, Воронеж һәм Пенза өлкәләре, Карачай-Черкесия, Адыгея, Тува, Забайкалье, Приморье, Дагыстан, Калмыкия һәм Чечня керә.

“Кызыл" зонада Коми, Крым, Оренбург, Орел, Мурманск, Самара, Кемерово, Киров, Сахалин, Курган өлкәләре, Алтай крае, Удмуртия, Ненец һәм Яһүд автоном округлары кала.
Эксперт статистика төгәлләштерүне таләп итә торган кайбер төбәкләрне дә билгели. «7-10 көн дәвамында бирелә торган мәгълүматларның үзгәрешсез калуы авыру таралу яки куркыныч янау динамикасы өчен хас түгел. Шулай ук үлем-китем санының бик аз күрсәткечләре дә шик уята, алар катгый карантин үтәлгән илләр һәм өлкәләр өчен хас», — дип аңлата Тавадян.

Статистика тикшерүне таләп иткән төбәкләргә белгеч Оренбург, Кострома, Иркутск, Мурманск, Воронеж, Төмән, Белгород, Брянск, Киров, Кемерово һәм Волгоград өлкәләре, Чечня, Приморье, Краснодар крае, Бурятия, Хабаровск крае, Удмуртия һәм Башкортостанны кертә.