Коронавирус: авыру куркынычын нәрсә арттыра

Йокы җитмәү иммунитетны җимерә һәм инфекция алдында ярдәмчесез калдыра. Хәтта бер йокысыз төн дә организмның саклаучы көчләренә бик начар тәэсир итә. Ә инде хроник йокысызлык турында сүз алып барсак, иммунитетка ясалган зарар катастрофик була. Тәүлегенә 8 сәгатьтән дә кимрәк йокламаска тырышыгыз. Әгәр йокысызлыктан интегәсез икән, невролог ярдәмендә дәваланыгыз.
Исегездә тотыгыз: 23:00 сәгатькә кадәр йоклап китәргә кирәк! Бу вакытта эндокрин системасы йокы гормоны – мелатонин эшкәртеп чыгара башлый. Ул организмны саклау чы көчләрне ныгытырга булыша. Әмма әлеге кыйммәтле матдә синтезы таңгы дүрткә кадәр генә дәвам итә. Төн уртасыннан соң йокларга яткан очракта, организмның мелотанинны кирәк кадәр микъдарда эшләп чыгарырга вакыты җитми. Үзегезнең иммунитетка зарар китермәс өчен, соңга кадәр утырмагыз, иртәрәк ятарга тырышыгыз.