Кибет кассасында алдауның яңа схемасы

«Чектагы артык товар – кассада алдауның иң киң таралган алымнарының берсе. 1-2 товар сатып алына икән, алдашу шактый катлаулы, ә позицияләр күп булса, сатып алучыны алдау гади. Кай чагында сканер штрих-кодны танымый, ә аннары аны ике тапкыр санаган очраклар да була», – ди эксперт. Намуссыз сатучылар чекка артык товар кертә икән, аны махсус код ярдәмендә кулдан өсти. Моннан тыш, кассирлар кайвакыт штрих-кодны сканерлап, сдачаны дөрес бирми һәм балларны үзләренең тупланма карточкаларына кертә.

Алдауның иң еш кулланылган ысулы — «бер товар бәясендә ике товар» акциясе.

«Сатып алучы аның турында белмәскә һәм кассага бер генә товар алып килергә мөмкин. Кассир сатып алучыга акция турында әйтмичә генә чекка махсус рәвештә ике берәмлек товар кертә. Сатып алучы тулы бәясен түли, ә сатучы соңыннан түләнгән икенче товарны үзенә ала», — дип сөйли Храмова.
Эксперт сүзләренчә, касса караклыгына каршы торуның иң нәтиҗәле ысулы – видеокүзәтү һәм кассирның бөтен эшен видеосерверга яздыру.