Кече Шырдан авыл клубында балалар өчен иҗат бәйгесе уздырганнар

Клубта әнә шушы исем астында балалар өчен иҗат бәйгесе оештырганнар. Авылга әби-бабалары янына кунакка кайткан балалар сәхнәдә үз һөнәрләрен күрсәткән.

Замана баласы бик талантлы хәзер, чөнки мөмкинлекләр җитәрлек. Кирәк икән түгәрәгенә йөри, кирәк икән иҗат үзәкләренә языла ала, һич булмаса кул астындагы интернет аша да күп нәрсәгә өйрәнергә мөмкин.

Барлык катнашучыларга, балалары белән килгән әниләргә, әби-бабайларга зур рәхмәт. Һәр катнашучы истәлек бүләге һәм баллы күчтәнәч белән бүләкләнде.

Чара балалар өчен дискотека белән тәмамланды.

Кече Шырдан авылы клубы җитәкчесе Рамил Шакиров