Казанда көрәш буенча 2021 ел Россия чемпионаты тәмамланды

Россиянең 31 регионыннан 140тан артык көрәшче 10 авырлык категориясендә 60 кг дан алып 130 кг авырлыкка кадәр ярышты.

Чемпионатның тантаналы өлешендә Россия көрәш федерациясе президенты Җәүдәт Миннәхмәтов, Идел буе физик культура университеты ректоры вазифасын башкаручы Рәфис Борһанов һәм Татарстан Республикасы спорт министрының беренче урынбасары Хәлил Шәйхетдинов катнашты.

Финал уеннары нәтиҗәләре буенча Россия чемпионы титулын яулаучылар билгеләнде һәм алар Россияне 2022 елда дөнья чемпионатында күрсәтәчәкләр.

Бу мәртәбәле ярышта безнең районнан танылган көрәшче, спорт мастеры Фирдүс Зәйнуллин да катнашты һәм анда ул, 130 кг нан артык авырлыктагы спортчылар арасында 2нче урынга лаек булды.