Яшел Үзән районында янгын вакытында өч кешенең гомере өзелгән

2025 елның 30 декабрендә Яшел Үзән районының Васильево бистәсендәге шәхси йортларның берсендә янгын сүндерү барышында 14 яшьлек кызның, 74 яшьлек хатын-кызның һәм 52 яшьлек ир-атның яну продуктлары белән агулану билгеләре булган гәүдәләре табылган.

Тикшерүчеләр саксызлык аркасында үлемгә китерү факты буенча җинаять эше кузгаткан.

Беренчел мәгълүматлар буенча, янгын сәбәбе – электр үткәргечләрнең төзексезлеге. Килеп чыккан хәлнең барлык шартларын билгеләүгә юнәлдерелгән тикшерү эшләре алып барыла.