«Яшел Үзән районының иң яхшы почтальоны» бәйгесенә йомгак ясалды

Газетага язылу чорында без укучыларыбызны гына түгел, ә тырышып эшләгән почтальоннарыбызны да билгеләп, бүләкләүне традициягә керттек.

«Яшел Үзән районының иң яхшы почтальоны» бәйгесенә йомгак ясар вакыт. Матбугат басмаларының вакытында укучыларыбызга барып ирешүе, әлбәттә инде, аларга бәйле. Газета таратудан тыш та, мең төрле эшкә чумган почтальоннарыбызга без чиксез рәхмәтле. Укучылар санын арттыра алучылар белән таныш булыгыз.

I урын – «Яшел Үзән» газетасына яздыру буенча сыйфатлы хезмәте өчен «Абсолют лидер» номинациясендә – Күгештән Зөмфирә Хәйруллина;

II урын – «Яшел Үзән»гә язылуда инициатива һәм активлык өчен «Подписка лидеры» номинациясендә – Акъегеттән Гөлназ Сәгъдиева;

III урын – «Яшел Үзән»гә язылу буенча системалы эше өчен «Тотрыклы тираж» номинациясендә Түбән Урысбагадан Фирая Минһаҗева.

Ә инде «Иң көчле команда» номинациясендә Акъегет почта бүлеге җиңү яулады.

Котлыйбыз! Җиңүчеләргә акчалата бүләк тапшырачакбыз.