Яшәеш
«Доверие» мөмкинлекләре чикләнгән балалар һәм яшүсмерләр өчен Яшел Үзән тернәкләндерү үзәгендә РФ Дәүләт Думасы депутаты Илдар Гыйльметдинов булды
Илдар Ирек улы, Яңа ел алды көннәрендә тиеш булганча, үзәктә тәрбияләнүчеләргә бүләкләр белән килде. Ул балаларга баллы җыелмалар һәм җылы пледлар тапшырды. Татар курчак театры тәрбияләнүчеләрне аеруча куандырды - иҗат фантазиясен күрсәтергә урын булачак!
Ә «Гнездышко» приютына Илдар Ирек улы кирәкле хуҗалык продукциясе алып килгән.
- Безгә, үзенчәлекле балаларга игътибарыгыз өчен рәхмәт. Иң яраткан балалар бәйрәме алдыннан мондый эчкерсез мөнәсәбәт аеруча кыйммәтле! - дип, рәхмәт белдерделәр Илдар Гыйльметдиновка “Доверие” үзәге хезмәткәрләре.
Следите за самым важным и интересным в Telegram-каналеТатмедиа
Нет комментариев