Бүген тыл хезмәтчәне Мария Совкова үзенең 100 еллык юбилеен билгеләп үтә

- Мария Гавриловна, сез - чын илһамчы! Хезмәтегез һәм илебезгә керткән өлешегез өчен рәхмәт сезгә, - диде Эльза, чәчәкләр һәм бүләк тапшырып.

Мария Гавриловна 1925 елның 1 маенда Луганск өлкәсенең Хорошее авылында туа. Аның гаиләсендә алты бала була: әтисе итекче, әнисе шахтада эшли. Ул бик яхшы укый, ләкин 7 сыйныфны гына тәмамлый ала һәм укуын сугыштан соң дәвам итә.

Сугыш башлангач, аларның гаиләсен Куйбышев шәһәренә эвакуациялиләр, анда Мария авиация заводында хезмәт итә. Владивостокта ул булачак ирен очрата һәм аларның өч кызы туа. 

1961 елда Мариянең ирен демобилизацияләгәннән соң, гаилә Казанга күченә. 36 яшендә Мария Пединститутка керә һәм аны экстерн рәвештә тәмамлый. Ул күп еллар Ленин районының 31 мәктәбендә математика фәнен укыта.

Хәзерге вакытта пенсиядәге Мария Гавриловна алты оныгына, җиде оныкчыгына һәм оныгының баласына сөенә. Без аны шундый олы юбилее белән котлавыбыз белән бик тә бәхетле!