Бу атнада узган дүшәмбе киңәшмәсендә Зеленодольск районының беренче яртыеллыкка социаль-икътисади үсеш нәтиҗәләре турында башкарма комитет җитәкчесенең беренче урынбасары Анастасия Бауэр сөйләде.
– Беренче яртыеллыкта районда торак тапшыру буенча еллык план үтәлде – 140 мең 997 кв. метр торак сафка бастырылды, шул исәптән 56 401 кв. метр – индивидуаль торак төзелеше. Юллар төзүгә һәм ремонтлауга 927,6 млн сум бүлеп бирелгән. Аерым алганда, яңа Ш-1 автомобиль юлы төзелә, ул Яңа Тура һәм Осиновоны М7 трассасы һәм Казан белән тоташтырачак, асылда Казанның яңа боҗрасын булдырачак, – диде ул.
Күп фатирлы 42 йортка капиталь ремонт ясау дәвам итә, шул исәптән 26сы шәһәрдә. Финанслау лимиты 431,6 млн. сум тәшкил итә, эшләр 70% ка башкарылган. «Безнең ишегалды» республика проекты кысаларында 399,8 млн. сумлык 58 йорт яны территориясен төзекләндерү эшләре алып барыла, шул исәптән Яшел Үзәндә 40 ишегалды. Эшләр график буенча башкарыла.
Нет комментариев